Airu fresku tur kaminda – Paso Korsou mester di airu saludabel!

Fundashon “Clean Air Everywhere” ta purba konvense gobiernu di Korsou pa

aktua kontra polushon di nos airu.

Ser humano tin e derechi humano pa biba den un luga seif. Na e momentu aki parti di nos isla ta venena dor di polushon aero, ku ta okashona dor di entre otro industria. Ta e gobiernu ta responsabel pa proteha su habitante kontra peliger i aktua kontra e polushon destruktivo aki, ku anualmente ta birando piho!

Gobiernu di Korsou ta responsabel pa perkura ku tur habitante ta biba den un atmosfera seif, atraves di reglanan nashonal i internashonal. Nos ta tane e gobiernu di Korsou responsabel pa keda sin aktua kontra violashon di e reglanan aki i tambe pa keda sin aktua kontra e polushon di nos airu riba un base kontinuamente dor di diferente partido.

The Curaçao government has a choice to act but decided to ignore the ongoing air-pollution which is a crime according to international standards!

No!

Isla ta duna diferente hende trabou, i ta parti di nos isla, kontribuyendo na e ekonomia fragile. Nos ke nada otro ku Isla / BOO / Aqualectra ta produsi nan produkto un manera limpi i duradero! Esaki ta posibel…

Masha simpel: Sen! Ya ku Gobiernu di Korsou no ta worry ku Isla / BOO / Aqualectra ta distibui sushi toxiko den laira, e kompanianan no ta inverti den produkshhon limpi i ta husando Isla pa dump zeta mas sushi, obtenibel na mundu! Esaki ta resulta den mas ganashi pa e partidonan aki, pero tambe malesa i morto pa e pueblo di Korsou, ku ta hanja e sushi toxiko aki den nan pulmonan.
Si! Na tur pais ku ta respeta reglanan internashonal, refinerianan ta produsi nan produktonan un manera limpi i seif. Fuera di esaki nan ta informa e habitantenan bibu i direkto manera na Pernis (Rotterdam) i tambe tin programanan di komunikashon di polushon aero.
Ana 2014 gobiernu di Korsou a hasi un investigashon despues di diferente keho di substansia berde, den e barionan di Wishi, Veeris, Marchena, Boca Sami, Klein St. Michiel, Blue Bay i Julianadorp. E raport aki te ahinda no a wordu publika dor di Minister Whiteman i un investigashon nobo a wordu anunsia. E motibunan ku e raport no ta publika no ta konosi, pero aparentamente i tin un mesahi ‘robes’. Nos konsehero SMOC ta splika e subtansia ‘berde’ aki.

Sr. Tico Ras, kabesante di ‘Dienst Millieu en Natuurbeheer’, ta deklara den A.D. di 19 di Mei ku e airu probablemente tin Chromium i Vanadium , i tambe konsentrashonnan di particle-polushon. Midimentu di particle polushon i sulfur-dioxide / SO2 ta lokalisa aki.

Ta un hecho ku e polushon aero ta kontene sulfur-dioxide, vanadium, chromium, particle polushon i otro substansia. E World Health Organisation WHO (Organisashon Mundial di Salu) a pone standard pa e tipo di polushon aki. Klek here for an overview of the measurements or here for realtime measurements.

Tipo di polushon WHO Standard 2011 2012 2013 2014
Beth Chaim SO2 20 63.1 61.4 155.5 170.8 ug/m3
Beth Chaim TSP / Particles 20 46.2 46.2 48.7 55.3 ug/m3
Kas Chikitu SO2 20 52 55.1 96.2 121.9 ug/m3
Kas Chikitu PM10 Particles 20 38.0 39.7 41.4 38.0 ug/m3

ug/m3 = Micrograms per Cubic Meter of Air

E sifranan aki ta averahenan. SO2 sifranan por yega i pasa 800 ug/m3 i TPS/PM10 por pasa 600 ug/m3!!!